Cyngor Ysgol

Helo blant! Ydych chi erioed wedi clywed am Gyngor Ysgol "Pentraeth Perffaith"? Mae'r grŵp arbennig hwn yn cynnwys disgyblion sy'n helpu gwneud ein hysgol yn lle gwell i bawb.

Dyma'r hyn maen nhw'n ei wneud:

• Gwasanaethau Ysgol Gyfan: Maen nhw'n trefnu gwasanaethau arbennig i'r ysgol gyfan, lle gallwn ni gyd ddysgu a dathlu gyda'n gilydd.
• Tacluso: Maen nhw'n sicrhau bod yr ysgol yn edrych yn daclus y tu mewn a'r tu allan – achos rydyn ni i gyd yn hoffi lle glân!
• Dathliadau Cymunedol: Maen nhw'n helpu trefnu digwyddiadau arbennig i ni gyd gymryd rhan, fel Plant Mewn Angen neu Ddiwrnod Trwyn Coch.
• Gwella'r Ysgol: Maen nhw'n trafod syniadau newydd ar gyfer gwneud yr ysgol hyd yn oed yn well. Gall hyn gynnwys cael offer amser chwarae newydd i wneud ein hamser chwarae'n fwy hwyliog!
• Cysylltu â'r Gymuned: Maen nhw'n gweithio gyda phobl yn ein cymuned i wneud yn siŵr bod ein hysgol yn lle cyfeillgar i bawb.

Mae'r cyngor yn gwrando ar syniadau pawb ac yn gweithio fel tîm i wneud ein hysgol yn lle hapus, cyffrous a phrydferth. Felly, os oes gennych chi syniadau gwych, rhowch wybod iddyn nhw – maen nhw yma i helpu ni i gyd! 🌟

Helo blant! Ydych chi wedi clywed am y Cewri Cymraeg? Mae’r grŵp arbennig hwn yn helpu pawb yn yr ysgol i siarad mwy o Gymraeg a mwynhau'r iaith mewn ffyrdd hwyl!

Dyma beth mae’r Cewri Cymraeg yn ei wneud:

• Hyrwyddo’r Gymraeg: Maen nhw’n annog pawb yn yr ysgol a’r gymuned i siarad Cymraeg – boed hynny yn y dosbarth neu yn ystod amser chwarae.
• Gwasanaethau Ysgol Gyfan: Maen nhw’n trefnu gwasanaethau arbennig i helpu ni i ddysgu mwy am yr iaith a’r diwylliant Cymraeg.
• Hyrwyddo Darllen: Maen nhw’n helpu pawb ddod o hyd i lyfrau diddorol yn Gymraeg, achos darllen yw’r ffordd orau i wella ein sgiliau!
• Gemau yn Gymraeg: Maen nhw’n meddwl am gemau hwyl y gallwn ni eu chwarae ar y buarth – i gael hwyl wrth siarad Cymraeg.
• Arddangosfeydd: Maen nhw’n creu posteri a gweithiau celf i’w dangos o gwmpas yr ysgol, i’n hatgoffa pa mor arbennig yw’r Gymraeg.
• Hyrwyddo’r Eisteddfod a’r Urdd: Maen nhw’n helpu pawb i gymryd rhan a mwynhau digwyddiadau fel yr Eisteddfod ac ymuno â’r Urdd.

Mae’r Cewri Cymraeg yma i wneud siarad Cymraeg yn hwyl ac i’n helpu ni i fod yn falch o’n hiaith. Felly, cofiwch ddefnyddio’ch Cymraeg bob dydd – pwy a wyr, efallai cewch chi fod yn 'Gawr Gymraeg' un diwrnod! ✨

Helo blant! Ydych chi wedi clywed am y Criw Iach ac Actif? Mae’r grŵp arbennig hwn yma i sicrhau bod pawb yn yr ysgol yn cadw’n heini, yn iach ac yn hapus!

Dyma beth mae’r Criw Iach ac Actif yn ei wneud:

• Cynnal Gwasanaethau: Maen nhw’n trefnu gwasanaethau arbennig i ddysgu pawb am bwysigrwydd bod yn iach ac yn actif.
• Teithio Llesol: Maen nhw’n annog pawb i deithio’n iach i’r ysgol – cerdded, beicio neu sgwtio, yn lle defnyddio ceir pan fydd hynny’n bosib.
• Ffitrwydd: Maen nhw’n helpu pawb yn yr ysgol i gadw’n heini drwy drefnu gweithgareddau hwyl i bawb gymryd rhan.
• Chwaraeon: Maen nhw’n trefnu gemau a chwaraeon, boed hynny ar dir yr ysgol neu mewn digwyddiadau y tu allan i’r ysgol – ffordd wych i gadw’n heini a chael hwyl gyda’n ffrindiau!

Mae’r Criw Iach ac Actif yma i’n hatgoffa pa mor bwysig yw gofalu am ein cyrff ac i wneud cadw’n heini yn hwyl. Felly, gwnewch yn siŵr eich bod chi’n symud, yn chwarae ac yn mwynhau bob dydd! 🏃‍♀️🚴‍♂️⚽

Helo blant! Ydych chi wedi clywed am y Grŵp Gwyrdd Gwych? Mae’r grŵp arbennig hwn yma i wneud yn siŵr bod ein hysgol yn helpu’r blaned a’n bod ni i gyd yn gofalu am yr amgylchedd.

Dyma beth mae’r Grŵp Gwyrdd Gwych yn ei wneud:

• Cynnal Gwasanaethau: Maen nhw’n trefnu gwasanaethau i ddysgu pawb am bwysigrwydd helpu’r blaned a sut gallwn ni fod yn fwy gwyrdd.
• Monitro Sbwriel: Maen nhw’n cadw llygad am sbwriel o gwmpas yr ysgol ac yn helpu sicrhau bod pawb yn rhoi sbwriel yn y bin cywir.
• Monitro Ailgylchu: Maen nhw’n edrych ar sut rydyn ni’n ailgylchu yn yr ysgol ac yn sicrhau ein bod ni’n gwneud hyn yn iawn.
• Garddio a Chwynu: Maen nhw’n gofalu am yr ardd ac yn sicrhau bod y planhigion yn edrych yn hardd a bod yr ardal yn lân.
• Helpu’r Blaned: Maen nhw’n gwneud unrhyw beth arall sy’n gallu helpu ein hysgol fod yn fwy gwyrdd – o arbed ynni i ddefnyddio llai o blastig.

Mae’r Grŵp Gwyrdd Gwych yma i’n hatgoffa pa mor bwysig yw gofalu am y byd o’n cwmpas a gwneud ein hysgol yn lle gwyrdd a glân. Felly, cofiwch helpu’r blaned – mae pawb yn gallu gwneud gwahaniaeth! 🌍🌱✨